Khutbah Berbahasa Madura Iedul Fitri Tahun 1440 H

Khutbah Berbahasa Madura Iedul Fitri Tahun 1440 H - Guru Jugan. Bismillahirrahmanirrahim pada kesempatan kali ini Guru Jugan men-share teks khutbah Iedul Fitri Tahun 1440 H dengan tema mewujudkan Takwa yang Sempurna.

AWUJUDEGI TAQWA SE PAREPORNA

السلام عليكم و رحمة الله و بركاته

الله أكبر 3 xالله أكبر 3 xالله أكبر 3 x

اللهُ أَكْبَرُ كَبِيْرًا،وَالْحَمْدُلله كَثِيْرًا،وَسُبْحَانَ اللهِ بُكْرَةً وَ أَصِيْلاً. لاَإِلَهَ إِلاَّ اللهُ وَحْدَهُ،صَدَقَ وَعْدَهُ، وَ نَصَرَ عَبْدَهُ، وَ أَعَزَّ جُنْدَهُ وَهَزَمَ الأَحْزَابَ وَحْدَهُ. لاَإِلَهَ إِلاَّ اللهُ هُوَاللهُ أَكْبَرُ. اللهُ أَكْبَر ُوَللهِ الْحَمْدُ.

اَلْحَمْدُللهِ الًّذِيْ خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ اَحَسَنُ عَمَلاَ، وَ الَّذِيْ أَمَرَنَا بِالتَّقْوَى وَ نَهَانَاعَنِ اتِّبَاعِ الْهَوَى.

أَشْهَدُأَنْ لاَإِلَهَ إِلاَّ اللهُ وَحْدَهُ لاَ شَرِيْكَ لَهُ،الْمَلِكُ الْحَقُّ الْمُبِيْنُ، الَّذِيْ أَوْضَحَ الطَّرِيْقَ لِلطَّالِبِيْنَ، وَ سَهَلَ مَنْهَجَ السَّعَادَةِ لِلْمُتَّقِيْنَ.

وَأَشْهَدُ أَنَّ سَيِّدَنَامُحَمَّدًاعَبْدُهُ وَ رَسُوْلُهُ صَادِقُ الْوَعْدِالأَمِيْنَ وَاْلإِمَامُ ِللْمُتَّقِيْنَ.

صَلَّى اللهُ عَلَى مُحَمَّدٍ، وَعَلَى آلِهِ وَ أَصْحَابِهِ أَجْمَعِيْنَ، وَ التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنَ.

‘Amma ba’du
AlLâhu akbar 3x, wa lilLâhil hamd...
Jama’ah kaom Musliminin rahimakumulLâh...
Tabir, tahlil, tahmid. Ta potos-potos elafadzagi deri sadeje lesan epon kaom muslimin. Mangetter de ka dede, asambung ka ate, asoara e langgi' tor nancep ka bumi.
Kalaben ate se khoso', esto tor ikhlas. Sadeje kaom muslimin, tamaso’ beden kaule sadeje e kadinto tempat, sami-sami asempo, asojud, nondu tor mamabe delem de’ Ajunan epon Dzat se Maha socce,  manyettong delem alafadzagi poji sokkor de Guste Pangeran sadeje epon manussa. Taanyo delem pangagungan de Dzat se Maha Tenggi, enggi kadinto Allah Rabbul Izzati.
Maasyiral Musliminin rahimakumulLâh...
Ramadhan ampon edinggelagi beden kaule sadeje, Iedul Fitri kadinto nyemma, are tellasan ampon nyapa, poasa agente sareng buka. Se akare saesto epon enggi kadinto namong Taqwallah. Ta mabi abeli de cellot dusa, sakadinto esto epon beden kaule sadeje sapanstes epon lastarena bulan poasa.

Jamaah kaom Musliminin rahimakumulLâh...
Iedul Fitri e taon samangken kadinto beden kaule sadeje sami-sami araya'agi e saat bengsa kadinto delem kabedeen kateben sareng samacemma ujian. Para elit politik laggi’ epasibuk sareng parsaengan tor parsalesean. Langkong nyata hasrat tor napso kaangguy saleng arebbu’ kapongebe'an otabe epon sopaja ta gegger kakoasaan epon, kadereka'an abe abe dibik’ epon, pangaterro deri settong jamaah tor kapentingan partai, seggut langkong epenting'agi. Saleng sentok arebbu korse, sadeje se adesar kapentingan ponapa bisaos siap ekorbanagi, kantos siap ngorbanagi pasera bisaos, kangguy jabatan tor kakoasaan, padahal jabatan tor kakoasaan saonggu epon namong amanah se bisa akonco’ kasta, tanto epon e are balessen pagi’. Saka’dinto jugen debu epon Kanjeng Nabi Muhammad SAW:
إِنَّكُمْ سَتَحْرِصُونَ عَلَى الْإِمَارَةِ وَ سَتَكُونُ نَدَامَةً يَوْمَ الْقِيَامَةِ
Onggu-onggu panjenengan sadeje sanget tenggi napso epon de’ka kakoasaan, seddeng kakoasaan ka’dinto (manabi ta’ e jelenagi kalaben amanah) bekal deddi kasta e are keyamat. (HR al-Bukhari).

Ma’asyiral Musliminin rahimakumulLâh...
E saat se sami, nasib rakyat ros-terosan delem kabede'en ekaloppae. Delem hal ekonomi msal epon, kamiskenan langkong terros kadeddiyen. Jumla pangangguran langkong tenggi, arge-arge kabutoan poko’ sajen tambe larang, otang nagere jugen sajen atambe, jugen samacemma parkara ekonomi tor laen-laen epon. Se langkong mamarengis para rabu, sadeje kamalaraden epon rakyat kadinto kadaddiyen e bekto bennyak epon kasogian alam e nagere kadinto. Sabab epon sabagian benyya kasogian nagere kadinto ampon ekoasae sareng oreng loar negri, swasta tor e kaandik sareng oreng- sa'orengan. Sabagiyen benyya rakyat---se  langkong bennya kaom muslim epon--- e nagere kadinto, namong bisa ngikke’ geriki epon.
Delem parkara sosial, rakyat ros-terrosan epaposang, sala settong epon akibat deri "pesta demokrasi" se ka’dimma taon samangken kadinto eyakini benyya ebernae sareng karocean e sadeje tempat, pesta 5 taonan kadinto jugen ngasellagi benyya epon kadeddiyen seddi, akadi benyya epon se adinggel dunnya atosan petugas pemilu, jugen sampe’ deddi sabeb karosoan se mondut poloan korban ecapopelor tajem tor tengka kakerrasan.

E saat-saat se sami jugen, kriminalisasi de ulama tor tokoh umat langkong teros tamba deddi, dakwah jugen segut elang-lang, ajeren Islam akadi Syariah tor Khilafah ros-terrosan ebedi settong hal se matao', oreng-oreng se hijrah malah jugen ecurigae.
E bidang hokom, masodek kaadilen akadi majegee bennang bacca, nyata sanget malarat, asabab hokom epon ampon tompol ka attas tape tajem ka bebe. Rassa sami e ade epon hokom akadi bereng se larang. Namong ekaandi oreng-oreng se ngagungi 'pangkat tor dunnya se sanget benyya, benni kaangguy rakyat keni, asabab oreng-oreng keni kadinto aropaagi oreng-oreng  se bede delem posisi kala.

AlLâhu Akbar 3x, wa lilLâhil hamd,
Jama’ah kaom Muslimin rahimakumulLah...
E loar nagri, kabedeen kaom muslimin jeu langkong sarah, Syuriah terros benjir dere polaepon kabengngisan rezim Nushairiyah se pelka’ dere, se ebento sareng nagere-nagere kaper panjeje. Kalaben amanfaatagi ISIS se secara sepihak ko-ngako minangka Khilafah.
Palestina jugen kateben kasossaan, sae e Tepi Barat otabe epon e Jalur Gaza. Kaom ebu benyya se eseksa, na-kana’ keni se ta ngagungi dusah benyya se ekaniaje. Deri hal kadinto ta kaoladen settong nagere tor muslimin se soddi abillei, kajebe epon sakader apidato salpak se ta agendu makna.
Rohingya ta kalebat jugen, seka’dimma kaom muslimin e kakdissa teros elang-lang malah ebantai kalaben kejjem sareng rezim budde se ta geduwen ate. Sabagian laen epon etondung de nagere-nagere laen akadi ta ngagungi kapardulian rassa neser sanajjen sakoni’.
Sakadinto jugen muslim Uyghur, nasib epon akadi ta perna pojur saengga epon kantos samangken benyya kaom muslimin se e pate'e, eseksa tor ekorong. Akadi odi’ e penjara  se raje kalaben panggalian bengngis para sipir se nyeksa kalaben kejjem tor tege.
Yaman jugen ta lopot kateben kakorangan de'eren, se ka’dimma benyya nak-kanak kenik kalaparan, benyya jugen se arassaagi odi ta perna aman, asabab segut kateben konflik tor paperrangan.

Maasyiral Musliminin rahimakumulLâh...
Alhasil, kaom muslimin sae e nagere kadinto otabe epon e nagere se laen laggi’ delem kabedeen tasese, tapenggir tor kala e sadeje kabedeen.
Kabedeen kadinto tanto ta sami kalaben kanyata'an epon, enggi kadinto sabben taon kaom musliminin atellasan Iedul Fitri kalaben senneng. Asabab kadiya se enyataagi sareng sabagiyenn ulama, "Iedul Fitri kadinto arpoaagi are kamenangan. Menang alaben hawa nafso, menang amoso setan, menang amoso sadeje kacontrungan tor tengka se nyimpang, menang delem anegga'agi ka'adilan, menang amoso sadeje kadzaliman, mala jugen menang amoso ramo-ramo epon kakufuran. Kadinto se beden kaule sadeje kaonengi delem riwayat akadi perrang Badar, Fathu Mekkah tor laen-laen epon". Are tellasan se possa' kalaben kamenangan akadi kadinto se sapantes epon kodu eraya'agi. Allah SWT adebu:

وَيَوْمَئِذٍ يَفْرَحُ الْمُؤْمِنُونَ (4) بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ (5)

E are ka’dinto, oreng-oreng mukmin pade arassa perak karana kengeng petolong deri Ajunan Epon Allah SWT. Allah nolong pasera bisaos se ekasokani. Kadnto Allah SWT Se Maha Kowat tor Maha Belles Ase.  (QS ar-Rum [30]: 4).

AlLâhu Akbar 3x, wa lilLâhil hamd,
Jamaah kaom Muslimin rahimakumulLah...
Delem hal laen, saonggu epon Iedul Fitri langkong sae eraya'agi sareng mukmin se poasa epon anglaheragi taqwa, tanto benni taqwa se ta-kanta, sakader pole epon terro kaoleden begus, minangka ngaolle pangkat tor kakoasaan. Namong tanto epon se emaksod enggi kadinto taqwa se atambe samporna, taqwa se ros-terrosan e sampornaagi, taqwa se saleres-leres epon (haqqo tuqotih) akadiya se edebuwegi sareng Allah SWT delem QS Ali Imran [3] ayat 102. Sabegiyen ulama anyataagi:

لَيْسَ الْعِيْدُ لِمَنْ لَبِسَ الْجَدِيْدَ وَ لَكِنَ الْعِيْدَ لِمَنْ تَقْوَاهُ يَزِيْدُ

Tellasan ka’dinto benni namong monggu oreng se arasogen anyar. Namong saonggu epon tellasan kadinto monggu oreng se kataqwa-an epon terros atambe.

Maasyiral Musliminin rahimakumulLâh...
Sala settong pangartean taqwa enyataagi sareng Imam al-Hasan, akadi se epondut sareng Imam ath-Thabari delem tafser epon, "kaom se taqwa enggi kadinto kaom se alanggengagi rassa pangatako kobeter sampe’ gegger de ponapa bisaos se ampon eharamagi sareng Allah SWT tor alaksanaagi ponapa bisaos se ampon e wejibegi".
Al-Quran ampon  benyya apareng tande oreng-oreng se taqwa, Sapanika jugen delem Al-Hadits. Sakadinto jugen se enyataagi sareng para sahabet tor jugen benyya para ulama salafus shaleh. Menorot Imam Ali Ra misal epon se ekotep delem ketab "Dalîl al-Wazh ilâ Adillah al-Mawâizh (1/546)" tor "Subul al-Hudâ wa ar-Rasyad (1/421)", seemaksod saeng taqwa kadinto:

اَلْخَوْفُ مِنَ الْجَلِيْلِ، وَ الْعَمَلُ بِالتَّنْزِيْلِ وَ الْقَنَاعَةُ بِالْقَلِيْلِ، وَ الإِسْتِعْدَادُ لِيَوْمِ الرَّحِيْلِ

Rassah pangata’ok de' Ajunan Epon Allah SWT Se Maha Agung, ngamalagi Al-Quran se ampon e toronagi, narema kalaben parkara se sakoni’, tor nyiap'agi sango kaangguy ngadebi are papalemanan (de akherat pagi’).
Pramela deri kadinto, taqwa agendu empa' parkara:
Kapeng settong: Al-Khawf min al-Jalîl, enggi kadinto ngagungi rassa pangatako’ de' Ajunan Epon Allah.
Oreng se taqwa tanto epon alanggengagi rassah te-ngate delem araksa oddi karana tako’ sampe gegger de sadeje parkara se haram. Asabeb sadeje kaharaman se elakoni paste abuwe dusa, kadinto se ekatako manabi tamaso’ oreng-oreng se taqwa. Salastare epon bulen poasa aromasa tako’ de bendu epon Allah SWT tor teros rassa kadinto katamen de abe dibi epon kaom muslimin, maka pantes arassa bunga e are tellasan, sabeb akadi debu sabagian ulama Laysa al-îd li man labisa al-jadîd, innama al-îd li man ittaqa al-waî (Are tellasan benni namong kaangguy oreng se arasogen anyar. Namong tellasan kadinto monggu oreng se tako’ de bendu epon Allah SWT).
Sakadinto jugen Allah SWT negesagi :

وَيَرْجُونَ رَحْمَتَهُ وَيَخَافُونَ عَذَابَهُ إِنَّ عَذَابَ رَبِّكَ كَانَ مَحْذُورًا

Oreng-oreng se ros-terrosan ngarep Rahmat Epon Allah tor tako’ de’ adzab se bekal e tebeagi sareng  Allah. Onggu-onggu adzab epon Allah ka’dinto settong parkara se kodu ekatako'e. (QS al-Isra [17]: 57).
Ananging e saat-saat are samangken, beden kaule sadeje nyakseni rassa pangataok de azab epon Allah SWT akadi ampon elang e delem abe e dibi’ kaom musliminin kadinto. Bukte epon akadi benyya kaom muslimin se ta poron adinggelagi kalecegen. Alo-tolo kalaben benyya ngalakoni dusa. Benyya se tetep nerrossagi tengka-tengka jube'. Misal epon apekoko delem usaha ta nyingla deri kakoasaan tor kaponggeabeen kalaben samacem epon cara (ta ngoladi halal haram epon). Tamaso’ kalaben cara-cara roce tor possa' kalaben benyyaepon kadeddiyen se e kabey-gebey.
Sakadinto ihwal epon, akadi poasa ta alampat de abe dibi epon sanajjan sakoni’ saos, e delem akkal tor pekkeran epon, sakadinto delem parasaan epon, sakadinto jugen oreng kadinto ta atambe kataatan epon, tor ta atamba rassa pangatakoepon. Se bede mala sajen atambe sombong e Ajunan Epon Allah Azza wa Jalla. Padehal Allah SWT ampon langkong abit ngajak de beden kaule sadeje:

وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ

Paceppet panjenengan sadeje (kaangguy) ngaolle pangapora epon Allah tor soarge se loas epon akadi loas epon langgi' tor bumi se e sadiyeagi kaangguy oreng-oreng se sami taqwa.  (QS Ali Imran [3]: 133).

Maasyiral Musliminin rahimakumulLâh...
Kapeng duwe': "Al-Amal bi at-Tanzîl", enggi kadinto ngamalagi sadeje esse epon Al-Quran se ampon etoronagi sareng Allah SWT, tanto epon kalaben ngalastareyagi sadeje hokom Epon. Kalaben alaksanaagi tor ngalastareyagi sadeje syareat epon kalaben kaffah, se kadimma palaksanaan syareat kalaben kaffah kadinto namong bisa ewujudagi kalaben paranta kakoasaan se ngalastareyagi atoran kapamarentaan Islam. Atoran se kasebut sareng para ulama kalaben Khilafah Ar-Rasyidah.
Kapeng tello': Al-Qanâah bi al-qalîl, enggi kadinto alanggengagi rassa poas tor ride' kalaben papareng se sakoni. Qana'ah bekal anglaheragi tengka zuhud de dunnya, zuhud de dunnya bekal anglaheragi tengka waro' se bekal alampaagi tengka te-ngate de bereng-bereng dusa.
Ananging seddi, e saat samangken kadinto beden kaule sadeje nyakseni sanget benyya oreng ta namong adinggalagi qana'ah kalaben papareng se sakoni, mala kadeddiyen epon justru ta qana'ah kalaben se benyya. Oreng-oreng sogi ros-terrosan delem kabedeen nompo’ dunnya sanajjen kalaben cara-cara se alanggar agema, sanget benyya ponggebe kalaben geji tenggi namong tetep korupsi, sanget benyya pangoasa se ta anggeduwen prestasi (tugas se maste akatekka), namong tetep anapso kaangguy epele pole, hal kadinto onggu-onggu ngalakoni usaha kerras sopaja ta nyingla deri kakoasaan kalaben samacemma cara se ta parduli sanajjan epon alanggar katantoan (norma) tor agema.
Kapeng empa': "Isti’dâd[an] li yawm ar-rahîl", nyiapagi sango kaangguy ngadebi are keyamat.
Akadiyah se ampon e ekaoningi, rabu epon are keyamat ka’dinto benni hal se abit, rabu epon sanget semma', akadi rabu epon are laggu’ epon. Allah SWT adebu:

يَا أَيُّهَا الَّذِينَ آمَنُوا اتَّقُوا اللَّهَ وَ لْتَنْظُرْ نَفْسٌ مَا قَدَّمَتْ لِغَدٍ وَ اتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ

Hey oreng-oreng se sami iman, tako'a panjenengan sadeje de’ Allah tor sadeje abe’ epon oreng ngoladi ponapa se ampon kalampan kaangguy are laggu epon (are keyamat). Takoah panjenengan sadeje de Allah. Saonggu epon Allah Maha Ngoladi sadeje se panjenengan sadeje lakoni. (QS al-Hasyr [59]: 18).
Menorot Imam ath-Thabari tor mufasser laen epon se emaksod sareng "are laggu" delem ayat se kasebut ta laen arte epon enggi kadinto are keyamat. Sango paleng sae kaangguy ngadebi are keyamat sobung laen enggi kadinto Taqwa.

AlLâhu Akbar 3x, wa lilLâhil hamd,
Jamaah kaom Muslimin rahimakumulLah...
Taqwa tanto epon kodu e wujudegi tor ta namong awujud delem oreng-sa'orengan saos, namong jugen delem masyarakat tor nagere. Hal kadinto se esebut sareng "kataqwaan ajama'ah". Kataqwaan jama'iy kadinto namong mungkin bisa awujud delem tataan nagere se ngalaksanagi Syareat Islam kalaben kaffah. Tata'an nagere kadinto sobung laen asma epon kajabe epon Khilafah 'Ala Minhajin Nubuwah. Khilafah kadinto se ampon kalampan sareng Khulafaur Rasyidin dimin ridwânulLâh alayhim.
Menorot Imam Ibnu Hajar al-Haitami delem ketab epon Ash-Shawâiq al-Muhriqah (hlm. 7), kawejiben ngadegagi Khilafah kadinto mala ampon deddi ijma sahabet. Menorot Imam Al-Ghazali delem ketab epon Al-Mustashfâ (1/14), "ijma’ sahabet kadinto ta bisa enasakh (e kosot otaba epon e bettalagi).
Salaen epon wejib, bekal abeli epon Khilafah kadinto aropaagi jenji epon Allah SWT tor kaber bunga (Bisyaroh) Rasulullah SAW. Akadi debu epon:

ثُمّ سَتَكُوْنُ خِلاَفَةًعَلَى مِنْهَاجِ النُّبُوَّةِ

Pas ( e bingkeng are e akher jeman) bekal bede (nagere) Khilafah kalaben manhaj kaNabbiyen.
(HR Ahmad).
Insyaallah, masa se molja ka’dinto kalaben cepet bekal tebe.

AlLâhu Akbar 3x, wa lilLâhil hamd,
Jamaah kaom Muslimin rahimakumulLah...

Se keng bingkeng, ngireng beden kaule sadeje samiyah adu'a de’ ajunan epon Allah SWT. Amunajat kalaben areben se sanget, moge-moge Allah SWT ngabbulagiye du'a-du'a beden kaule sadeje. Aamin Allaahumma Aamiin.

بِسْمِ اللهِ الرَّحْمَنِ الرَّحِيْمِ

اللَّهُمَّ صَلِّ وَ سَلِّمْ وَ بَارِكْ عَلَى مُحَمَّدٍ وَ عَلَى اَلِهِ وَ أَهْلِ بَيْتِهِ وَ ذُرِّيَاتِهِ وَ أَصْحَابِهِ أَجْمَعِيْنَ، وَ التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنَ.

اللهُمَّ يَا وَلِيَّ المُؤْمِنِينَ، وَنَاصِرَ المُسْتَضْعَفِيْنَ، وَقَاصِمَ الجَبَّارِيْنَ وَالمُجْرِمِينَ.

يَا عَزِيْزُ يَا جَبَّارُ، يَا قَادِرُ يَا مُقْتَدِرُ، يَا مَنْ تَعْلَمُ خَائِنَةَ الأَعْيُنِ وَمَا تُخْفِي الصُّدُورْ.

اللهُمَّ إِنَّا نَسْأَلُكَ بِأَسْمَائِكَ الحُسْنَى وَصِفَاتِك العُلْيَا، 

نَسْأَلُكَ بِكُلِّ اسْمٍ سَمَّيْتَ بِهِ نَفْسَكْ، أَوِ اسْتَأْثَرْتَ بِهِ فِي عِلْمِ الغَيْبِ عِنْدَكْ

يَا قَيُّومَ السَّمَاوَاتِ وَالأَرْض، يَا ذَا العَرْشِ المَجِيْدِ وَفَعَّالاً لِمَا تُرِيْدْ.

اللّهُمَّ إِنَّا نَعْمَلُ لِإِقَامَةِ الخِلَافَةِ عَلَى مِنْهَاجِ نَبِيَّكَ، اِسْتِعَادَةَ لِسُلْطَانِ دِيْنِكَ، إِذْ عَلِمْنَا أَنَّهُ لَا تَطْبِيْقَ لِدِيْنِكَ وَلِشَرِيْعَتِكَ كَافَةً إِلّاَ بِالسُّلْطَانِ، فَابْتَغَيْنَا السُّلْطَانَ،  كَمَا ابْتَغَى ذَلِكَ رَسُوْلُكَ صَلَّى اللهُ عَلَيْهِ وَسَلَّمَ،  وَطَلَبْنَاهُ مِنْكَ كَمَا طَلَبَهُ مِنْكَ صَلَّى اللهُ عَلَيْهِ وَسَلَّمَ،إِذْ أَمَرْتَهُ فِي كِتَابِكَ : ((وَقُلْ رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا)).

اللّهُمَّ إِنَّا نَعْمَلُ لِإِقَامَةِ الخِلَافَةِ عَلَى مِنْهَاجِ نَبِيَّكَ ، مُتَيَقِّنِيْنَ بِوَعْدِكَ الَّذِيْ وَعَدْتَهُ عَلَيْنَا مِنْ إِقَامَتِهَا، حَيْثُ قُلْتَ فِي كِتَابِكَ: : ((وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ))، َوَمُسْتَقْبِلِيْنَ لِبُشْرَى رَسُولِكَ الَّتِي جَزِمَتْ لَنَا عَوْدَتَهَا، حَيْثُ قَالَ صَلَّى اللهُ عَلَيْهِ وَسَلَّمَ: ((ثُمّ تَكُونُ خِلَافَةٌ عَلَى مِنْهَاجِ النُّبُوَّةِ)).. 

اللَّهُمَّ إِنَّ أَعْدَاءَ هَذِهِ الدَّعْوَةِ مِنَ الكُفَّارِ وَالمُنَافِقِيْنَ وَحُكّاَمِ بِلَادِ المُسْلِمِينَ عَامَّةً وَ حُكاَّمِ إِندُونِيسِيَا خَاصَّةً، قَدِ اعْتَدُّوا رِسَالَتَكَ جَرِيمَةً وَدَوْلَةَ نَبِيَّكَ جِنَايَةً. اللهُمَّ فَهِمْهُمْ إِنْ جَهِلُوا عَلَى أَنَّهَا هُدًى وَرَحْمَةً، وَذَكِّرْهُمْ إِنْ نَسُوا مِمَّا حَقَّقَتْهَا دَوْلَةُ الإِسْلَامِ لِلْبَشَرِيَّةِ مِنْ سَعَادَةٍ وَرَفَاهِيَةٍ، وَأَهْلِكْهُمْ إِنَ كَانَ سَبَبُ عُدْوَانِهِمْ مُعَانَدَةً وَمُكَابَرَةً.

اللَّهُمّ فَكُنْ لَنَا خَيرَ مُعيِنٍ، يَا ربَّ العَالمَيِنَ، وَكُنْ لَنَا وَليّاً وَنَصِيراً وَحَامِياً وَمُغِيثاً، يَا رَبَّ العَالمَيِن.

اللَّهُمّ لاَ مَنْجَى وَلاَ مَلْجَأَ مِنْكَ إِلاَّ إِلَيكَ، يَا أَرْحَمَ الرَاحِمِينَ.

اللَّهُمّ إِلَيكَ نَشْكُو ضَعْفَ قُوَّتِنَا وَقِلَّةَ حِيْلَتِنَا وَهَوَانِنَا عَلى النَّاسِ، يَا أَرْحمَ الرَّاحِمين، أَنْتَ رَبُّ المُسْتَضْعَفيِنَ، وَأَنْتَ ربُّنا، اللَّهمَّ إِلَى مَنْ تَكِلُناَ؟ إَلَى بَعِيدٍ يَتَجَهَّمُّنَا أَمْ إِلَى عَدُوٍ مَلَّكْتَهُ أَمْرَناَ؟ اللَّهُمّ إِنْ لَمْ يَكُنْ بِكَ عَليَنْاَ غَضَبٌ فَلاَ نُبَالِي، وَلَكِنْ عَافِيَتُكَ هِيَ أَوْسَعُ لَنَا. نَعُوذُ بَنُورِ وَجْهِكَ الّذيْ أَشْرَقَتْ لَه الظُّلُماَتُ، وَصَلُحَ عَلَيهِ أَمْرُ الدُنيَا وَالآخرَةِ مِنْ أَن تُنْزِلَ بِنَا غَضَبَكَ، أَوْ تُحِلَّ عَلَينَا سَخَطَكَ، لَكَ العُتبَى حَتَّى تَرضَى، وَلَا حَولَ وَلاَ قُوَّةَ إِلَّا بِكَ، يَا ربَّ العّالمين وَيَا نَاصِرَ المُسْتَضْعَفِين.

اللَّهُمَّ امْنُنْ عَلَيْنَا بِنَصْرٍ عَزِيْزٍ مُؤَزَّرٍ مِنْ عِنْدِكْ، يُعَزُّ فِيْهِ أَوْلِيَاؤُكْ، وَيُذَلُّ فِيْهِ أَعْدَاؤُكْ، وَيُفْرَحُ المُؤْمِنُونَ بِنَصْرِكْ، وَتُشْفَى صُدُوْرُ قَوْمٍ 

مُؤْمِنِين،يَا نَاصِرَ المُؤْمِنِين، يَا أَرْحَمَ الرَّاحِمِينَ

Sumber https://www.gurujugan.com/

Share this post